Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 426 Hüküm no: 803 Orijinal metin no: [118b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Tayyib Fakih’in vefat etmesiyle tasarruf ettiği yeri Süleyman b. Aydın’ın hakkı olmadığı halde tasarruf ettiği. Fasl Vech-i tezkire oldur ki Hızır b. İshak, Süleyman b. Aydın meclis-i şer‘a ihzâr edip takrîr-i da‘vâ kılıp dedi ki karye-i Aydınlı haddinde bir bostanlık yer ki kadîmden Tayyib Fakih nâm tasarruf ederdi tahmînen bir kilelik yerdir hudûdu ehli ve cîrânı katında müte‘ârefdir mezkûr Tayyib Fakih fevt oldukdan sonra evlâd-ı zükûrundan kimesnesi kalmadığı ecilden mahlûl sipâhi vakt-i evvelinden alıp ber-vech-i tapu hâliyâ işbu mûmâ-ileyh Süleyman tasarruf edip bi-gayr-ı hakkın elindedir dedikde mezkûr Süleyman yer mûmâ-ileyh Tayyib Fakih’in idiğine inkâr edip yer atam yerindendir deyicek mezbûr Hızır’ın da‘vâsına muvâfık udûl-i müslimînden gıbbe’l-istişhâd Ali b. Musa ve Kasım b. Mustafa şehâdet edip şehâdetleri gıbbe’t-tezkiye hayyiz-i kabûlde kılınıp zikrolan yer müdde‘î-i mezkûra ber-mûceb-i şer‘-i şerîf hükm olunup sebt olundu. Tahrîren fî 7 Saferi’l-muzaffer li sene sitte ve işrîn ve tis‘a mi’e. Şuhûd Mevlânâ Receb b. İshak, Ahmed b. İshak, Veli b. Mehmed, İbrahim b. Mustafa ve gayruhum