Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 430 Hüküm no: 811 Orijinal metin no: [120a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bâyezid b. Yusuf’un Şeyh Muhyiddin Halîfe’nin vakf akçesinden toplam 4440 akçe aldığı. Sebeb-i tahrîr-i kitâb budur ki Bâyezid b. Yusuf meclis-i şer‘de ikrâr-ı sahîh ile ikrâr edip dedi kim merhûm Şeyh Muhyiddin Halîfe’nin vakf akçesinden zimmetimde bi-tarîki’l-karz dört bin akçe ile mor çuha kaftan bahâsından on iki ayda edâ etmek üzere dört yüz kırk akçe cem‘an dört bin dört yüz kırk [akçe] deynim var dedikde meblağ-ı mezkûr dört bin dört yüz kırk akçeye ulvî süflî evlerini rehindir deyicek meblağ-ı mezbûra Hasan b. Saruca kefîl oldukdan sonra kâ’im-makām-ı mütevellînin talebiyle deftere sebt olundu. Tahrîren fî evâili Cemâziyelevvel sene 924. Şuhûdü’l-mazmûn Kasım Bey b. Abdullah ve Mü’ezzin Mahmud b. İshak ve Ramazan b. Ahmed ve Demirhan b. İsmail ve gayruhum mine’l-hâzırîn