Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 73 Hüküm no: 20 Orijinal metin no: [2b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ortak çiftliğin Yusuf b. Turud ile kardeşlerinin çocukları arasında taksim edildiği Kazıyye Vech-i tezkiretü’l-hurûf oldur ki Yusuf b. Turud, Hızır Paşa’dan karındaşı oğullarıyla müşterek yerlerden hissesin ifrâz etmek için dâ‘î-i fakîre tezkire-i vâcibü’l-imtisâl îrâd ettikde imtisâlen li’l-emr husamâsıyla mezbûru berâber edicek mezkûr Yusuf takrîr-i kelîmât edip dedi ki bundan evvel dört karındaşlar atamızdan kalmış bir mikdâr yer ki Tursunoğlu Çiftliği demekle tahdîdden müstağnîdir ber-vech-i iştirâk tasarruf ederken bir karındaşım fevt olup hissesi mahlûl olup kānûn üzere ben tapuyla alıp tasarruf ederken ol karındaşlarım dahi fevt olup hisseleri oğullarına müntakil olup nice zamân tasarruf ettik. Hâliyâ zikr olan yerden nısf hissem ber-mûceb-i emr-i şerîf ifrâz olunmak taleb ederim dedikde ber-mûceb-i emr-i şerîf zikr olan yer ehl-i vukūf ma‘rifetiyle eyulü yatılu tevzî‘ olundukdan sonra ber vech-i iftirâ mezkûr Yusuf’un hissesine düşen (…) (…) (…) (…) oğlu çeşmesi mukābelesinde zikr olan (…) (…) İstanbul müddüyle iki buçuk müdlük bir tarla ki eyücek (…) (…) (…) taksîm olundukda Hamzacık b. Fazlullah bostanlığı köşesinden olan (…) Büyük Çakpelit’den (…) (…) varınca tarîk-i âm Hüdâvendigâr (…) (…) kur‘asına düşdü ve diğer tarla ki nar tarlası demekle tahdîdden müstağnî olan tarla dahi ortasından bölünüp ki sınırı ahâlîsi katında (…) zikr olunmadı taraf-ı şarkîsi mezkûrun kur‘asına düşdü ve bir (…) Öyük yeri demekle ma‘rûfdur zikr olan tarla dahi münâsafa olunup (…) demekle meşhûr hisse-i mezkûrun kur‘asına düşdü ve Ağöyük yerinden dahi Yerlikaya’dan Çakpelit çalısından Saruyar (…) varınca münâsafa olunup cânib-i garbîsi mezkûrun kur‘asına düşdü ve iki pâre tarlalar birisi Kurucahisâr tarlası demekle tahdîdden müstağnîdir ve birisi Hızır b. Kara Musa ve (…) b. İbrahim yerine iki tarafdan ve Viranköy yoluna (…) bu iki pâre yer kur‘a olundukda sâniyen mezkûr olan kıt‘a-i mahdûde mezkûrun kur‘asına düşdü. Tahrîren fî 2 Şa‘bâni’l-mu‘azzam el-münharit fî silk sene erba‘a ve ışrîn ve tis‘a-mi’e. Şehide bi mâ fîhi: Elhâc Yusuf b. Hasan, Hasan b. Abdullah, Tur Bâli b. Yusuf, Şahkulu b. Hızır ve gayruhum