Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 76 Hüküm no: 28 Orijinal metin no: [3b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Niğde köyünün vergisini toplayan İsa b. Mehmed’in hesabını ödediği Kazıyye Vech-i tezkiretü’l-hurûf oldur ki Hâliyâ Niğde nâm karyeye Mehmed b. Yusuf nişân-ı âlîşânı ile câbi olup sâbıkan câbisi olan İsa b. Mehmed’den hesâbı aldıkdan sonra meclis-i şer‘de şöyle ikrâr-ı sahîh kılıp dedi ki mezkûr İsa’dan benim yedime vâsıl [olan] bunlardır ki zikr olunur haracdan yedi bin beş yüz kırk bir ve tuz akçesinden iki bin beş yüz iki ve öşür kirâsı yüz elli cem‘an on bin yüz doksan yedi akçe ceyyîd-i cedîd-i Osmânî vâsıl oldu deyu ikrâr ettikde mukarrun-leh mezbûr dahi mukırr-ı mezkûru ikrârında vicâ [hen] tasdîk edip sebt olundu. Tahrîren fî 5 Şa‘bân sene 924. Şehide bi mâ fihi: Mevlânâ Bâli b. Mustafa, Mehmed b. Salih ve gayruhumâ