Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 87 Hüküm no: 53 Orijinal metin no: [7a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’nın Dimitri b. Marko’ya ödünç verdiği Tafsîl oldur ki Dimitri b. Marko meclis-i şer‘de an tav‘ ikrâr edip merhûm Selman Ağa evkāfından el-ân zimmetimde bin doksan akçe vardır bini karz-ı hasendir ve doksan akçesi çuha bahâsından deyip ve karye-i Çengel’de olan mülk evimi ki hudûdu ma‘lûmedir inde cîrânihâ meblağ-ı mezkûr için rehin koyup mütevellî olan Ali b. Abdullah’a alâ şerâiti’t-teslîm tahliye ve teslîm edip mezkûr dahi alıp kabûl ve kabz ettikden sonra bana yine bi tarîki’l-emânet teslîm etti deyicek mütevellî-i mezkûr dahi mukırr-ı mezbûru ikrârında tasdîk edip târih-i defterden dokuz ay va‘deye (…) sicillâta kayd olundu. An gurre-i Rebî‘ilâhir sene hamse ve ışrîn ve tis‘a-mi’e. Şuhûdü’l-hâl: el-Mezkûrûn