Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 90 Hüküm no: 63 Orijinal metin no: [8a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaşkek Sinan’ın mirasının taksim edilmesi Kazıyye oldur ki Bundan akdem nefs-i Üsküdar’da Kâşkek Sinan fevt olup muhallefâtı ketb olunup kassâm-ı askerî ma‘rifetiyle zevcesi Nefîse bt. İbrahim’e iki yüz seksen altı akçe semen ve bin akçe deyn zâhir olup ve on iki akçe dahi bağ hakkı sâbit oldukda mezkûr Sinan’ın evi bey‘-i men yezîd olup üç bin altı yüz akçeye çıkmış imiş. Hâliyâ mezkûre Nefîse’nin hissesi ve alımı için bin iki yüz seksen altı akçeyi ve on iki akçe hakkını ki cem‘an bin iki yüz doksan sekiz akçe olur Hâce Hâtun bt. Hacı nâm avretin ol bey‘-i men yezîd olan evin hissesi ne tuta zikr olan bin iki yüz seksen altı akçe ile âmil Resul’e on iki akçeyi bi’t-tamâm mezkûre Nefîse’nin hissesi ve benim vekîli [m] gıbbe sübûti vekâletihâ şer‘an olan Kıymet bt. Ahmed’e teslîm edicek mezkûre Kıymet’i dahi alıp zikr olan evin bin iki yüz doksan altı akçelik hissesi mezkûre Hâce Hâtun’a hükm olundu. Fî evâili Cumâdelûlâ sene 925 hamse ve ışrîn ve tis‘a-mi’e. Şuhûdü’l-hâl: Dellâk Hızır b. Abdullah, Udul b. Yahşi el-Mu‘arrif, Murad b. Abdullah ed-Dizdâr, Hasan b. Hüseyin ve gayruhum