.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 127
Hüküm no: 175
Orijinal metin no: [19b-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ahmed’in, Hamza b. Musa’ya ölen babasının alacağını ödemesi

Vech-i tezkire oldur ki Hamza b. Musa nefs-i Üsküdar’dan Ahmed (…) (…) bundan evvel babam hâl-i hayâtında iken sana iki yüz elli akçeye bir at bey‘ etti fevt oldukda yüz akçesin aldım yüz elli akçe dahi kaldı. Şimden taleb ederim dedikde mezbûr Ahmed ben senin babandan satın at almadım hibe ediptir ve ol akçeyi dahi at bahâsından ötürü vermedim karz verdim dedikde gıbbe’l-inkâr ve’l-istişhâd ve’l-acz an ikāmeti’l-beyyine mezkûr Hamza’ya ol atı babası mezbûr Ahmed’e bağışladığın bilmediğine ve ol yüz akçeyi karz almayıp at bahâsı için aldığına yemîn billâh ettirilip bâkī yüz elli akçe dahi mezkûr Ahmed’den hükm olundu. Fî evâhiri Cemâziyelâhir sene 925.


Şuhûdü’l-hâl: Kılavuz b. Aslıhan, Yakub [ b.] Ali Fakih, Emîn-i Taşköprü el-med‘uv Bıyıklı(?) Fakih ve gayruhum