|
Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 131 Hüküm no: 186 Orijinal metin no: [21a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Selim Şah bt. Abdullah’ın, Mehmed b. Süleyman’a olan borcunu ödemesi
[Kazıyye oldur ki] (...) Mehmed b. Süleyman meclis-i şer‘a merhûm Mumcu Sinan b. Abdullah (...) olan Selim Şah bt. Abdullah tarafından vekîl-i şer‘î olan (…) b. Abdullah’ı ihzâr edip bundan akdem mezkûr Sinan Bey’i kilesin on beş akçeye (...) (…) ile bir müd buğdayı üç yüz akçeye bey‘ ettim ol dahi alıp kabz eyledikden sonra (…) olup zikr olan üç yüz akçe zimmetinde kaldı taleb ederim dedikde [bi’l-in] kâr ve’l-istişhâd udûl-i müslimînden Ömer b. Karamanlu ve Mahmud b. Ömer hâzırân olup mezkûr Mehmed’in min külli’l-vücûh da‘vâsına muvâfık edâ-yı şehâdet-i şer‘iyye edip şehâdetleri ba‘de’t-ta‘dîli’ş-şer‘î ve’t-tahlîfi’l-âdî hayyiz-i kabûlde vâki‘ olup zikr olan üç yüz akçe mezkûr Mehmed’e hükm olundu. Tahrîren fî evâili Recebi’l-mürecceb sene hamse ve ışrîn ve tis‘a-mi’e.
Şuhûdü’l-hâl: Yeniçeri Kasım b. Abdullah, Seferşah b. Süleyman, Kara Hızır b. Küçük ve gayruhum
|