|
Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 134 Hüküm no: 194 Orijinal metin no: [22a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Şaban Halife’yi döven Ayşe bt. Abdullah’ın tazir olunması
Şaban Halife imâm-ı mescid-i merhûm Süleyman Ağa Kazıyye oldur ki Mezkûr Şaban Halife şer‘-i şerîf meclisine mütevellî Ali’nin zevcesi olan Ayşe bt. Abdullah’ı ihzâr edip beni üç def‘a balık çengeli ağacıyla vurdun hakkım taleb ederim dedikde mezkûr Ayşe mukābele bi’l-inkâr edicek gıbbe’l-istişhâd Mahmud b. İshak ve Çırak b. Mehmedî ve tâ’ife-i nisâdan Hesna bt. Musa ve Hanzâde bt. İlyas hâzırûn olup mezkûr Şaban Halife’nin min külli’l-vücûh da‘vâsına muvâfık edâ-yı şehâdet-i şer‘iyye edip şehâdetleri ba‘de’t-ta‘dîli’ş-şer‘î ve’t-tahlîfi’l-âdî hayyiz-i kabûlde vâki‘ olup mezkûre Ayşe’nin ta‘zîrine hükm olundu. Fî evâsıtı Receb sene 925.
Şuhûdü’l-hâl: Mu‘arrif Abdullah b. Yahşi, Mehmedî b. İsa, Şah Bâli b. Ali Fakih, Muhyiddin b. Yahya ve gayruhum
|