.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 152
Hüküm no: 248
Orijinal metin no: [28a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Andriya b. Şad ile Yorgi b. Senadinoz’un öküz anlaşmazlığını sulh yoluyla halli

(…) karye-i Filingiri’de Yorgi b. Senadinoz, Andriya b. Şad nâm zimmînin bir su sığırı öküzünü dağa alıp gidip yolda gelirken düşüp (…) mezkûr Yorgi’yi zikr olan Andriya meclis-i şer‘a getirip öküzünün bahâsın taleb ettikde aralarında envâ‘-ı münâza vâki‘ olıcak muslihler araya girip mezkûr Yorgi’den zikr olan Andriya’ya üç yüz akçe ile öküzün bahâsın alıverip mezkûr Andriya dahi öküz da‘vâsından ferâgat edip tarafeyn terk-i da‘vâ ve kat‘-ı nizâ‘ vâki‘ oldukdan sonra sıhhat-i sulha hükm olundu. Fî evâili Şa‘bân sene 925.


Şuhûdü’l-hâl: Dranoz b. Yorgi, Yani b. Dranikoz, Yeniçeri Ali b. Abdullah, Todora b. Komanoz, Deli Savadyani ve gayruhum