.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 158
Hüküm no: 267
Orijinal metin no: [29b-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yusuf’un el koyduğu araziyi kardeşi Tayyib b. Ukkaşe’ye vermesi

Kazıyye oldur ki Tayyib b. Ukkâşe meclis-i şer‘a karındaşı Yusuf’u ihzâr edip bundan evvel tahmînen altı yıl vardır ki Halil b. Şeyh fevt oldu evlâd-ı zükûrundan kimesnesi kalmayıp reis oğlanları timârlarına müte‘allik elinde mutasarrıf olduğu bir kıt‘a bir evlek yeri mahlûl oldukda müteveffâ karındaşım Süleyman ile sipâhi-i mezkûra yedi yüz akçe resm-i tapu verip ikimiz tapuya aldık sonra karındaşım Süleyman fevt oldu oğlu Mehmedî kaldı ol zamândan beru tasarrufumuzdadır hâliyâ sen nizâ‘ edip benim tasarrufuma mâni‘ olursun dedikde mezkûr Yusuf cevâb verip ol bir evlek yeri bize atam aldı dedi deyip bunların tapusu ile aldıklarına inkâr edicek Sinan Sofi b. Hasan ve Nebi b. Yakub hâzırân olup mezkûr Tayyib’in da‘vâsına muvâfık edâ-yı şehâdet ettikleri sebebden arz-ı mezkûre mezkûrâna hükm olundu. Fî evâili Şa‘bân sene 925.


Şuhûdü’l-hâl: Bahşayiş b. Abdullah, Hasan b. Mehmedî, Haydar b. Hacı Bayram, Bâli b. Yusuf, İnebey b. Udul ve gayruhum