|
Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 161 Hüküm no: 275 Orijinal metin no: [30b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Şaban b. İlyas’ın terekesi
Vech-i tezkire oldur ki Bundan akdem Taşköprü’de karye-i Bektaşlı’dan Şaban b. İlyas gemi hafrında (?) gemi içinde fevt olup hayâtında iken işbu Mürüvvet b. Selman’ı sebt-i vasî-i muhtâr etmiş imiş hâliyâ müteveffânın babası İlyas zikr olan Mürüvvet’i meclis-i şer‘a getirip oğlunun muhallefâtını suâl ettikde cevâb verdiği metrûkâtı beyân eder. Nakid akçe 95 İki eşrefî 60 Kızıl on çuha 60 Boz aba 20 Tel dökme kuşak 10 Takye 5 Bıçak Peksimat 23 İki Çuval 12 Peksimet 4 Nacak 8 Ok yayı ve kubur 18 Cem‘an 315 Resm 6 El- bâkī 310 Derkenar: Ba‘de’z-zikr olan akçeleri mezkûr Mürüvvet yüz altmış verip bâkīsi kaldığına i‘tirâf edip ama elli akçe reise ve otuz akçe Beytülmâli’ye verdim deyu mezkûr İlyas verdiğini kabûl etmeyip ve verdiğini dahi isbâtdan âciz olduğu sebebden bâkī yüz yirmi üç akçe dahi mezkûr Mürüvvet’den babası İlyas’a hükm olundu. Fî evâsıtı Şa‘bân sene 925.
Şuhûdü’l-hâl: İbrahim b. Seydi Fakih, Ali b. Hacı, Receb b. Hoşkadem ve gayruhum
|