.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 163
Hüküm no: 280
Orijinal metin no: [31a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Musa b. Turahan’ın koyun hırsızlığından cezalandırılması

Vech-i tezkire oldur ki Taşköprü vilâyetinde âmil olan Musa b. Turahan meclis-i şer‘a Yusuf b. Abdullah’ı ihzâr edip bundan evvel Günceoğlu’nun sürüsünden on koyun sirkat olunup sonra biri senin ağılında bulunup zikr olan koyun husûsunda üzerine sirkat töhmeti sâbit olup ta‘zîr olup sebt-i sicillât olunmuş idi sonra bu bâbda cerîmen bitmeyip(?) kaldı taleb ederim dedikde mezkûr Yusuf vâkı‘â bu vechile sirkat töhmeti üzerime sâbit oldu ama cerîmem ehl-i örf tâ’ifesine bitip(?) tamâm oldu dedikde gıbbe’l-inkâr ve’l-istişhâd ve’l-acz an ikāmeti’l-beyyine mezkûr Musa’ya cerîmesin bitmediğinin(?) bilmediğine yemîn billâh ettirilip cerîmesi mezkûr âmil Musa’ya hükm olundu. Fî evâsıtı Şa‘bân sene 925.


Şuhûdü’l-hâl: İsa b. Enbiya, Süleyman b. Mehmedî, Yusuf oğlu ve gayruhum