|
Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 164 Hüküm no: 285 Orijinal metin no: [31b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Öküzünün kulağı kesilen Sinan’ın zararının Doğancılar halkı tarafından karşılanması
Kazıyye oldur ki Bundan evvel Taşköprü’de Doğancılar cemâ‘ati içinde İskender nâm kimesnenin bir öküzünün kulağı kesilip mecrûh oldukda sâhib-i timâr olan Sinan talebiyle karye-i mezkûrenin üzerine varılıp cemâ‘at bi-esrihim izhâr olunup teftîşe şurû‘ olundukda zikr olan cemâ‘ate meclis-i şer‘de kānûn-ı kadîm-i Osmânî üzere mezkûr İskender’in öküzün [ün] kulağın keseni bulun deyu ibrâm olundukda hırsızı bulmağa kâsıdûn olup istifsâr-ı müslimîn ile öküzün elli akçe noksânın gelip ve cerîmesin vermeği mültezimûn oldukları sebebden mâ hüve’l-vâki‘ mezkûr Sinan talebiyle sebt-i sicil olundu. Fî evâsıtı Şa‘bâni’l-mu‘azzam sene 925.
Şuhûdü’l-hâl: Mürüvvet b. Ahmed, Hasan b. Ömer, Yahya b. Toy, Receb Çelebi b. İshak Fakih, İshak Fakih b. Halil ve gayruhum
|