.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 168
Hüküm no: 295
Orijinal metin no: [32b-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Elvan b. Kalfal’ın Burak b. Hamza’ya ödünç verdiği

Kazıyye-i Elvan b. Kalfal an karye-i Hamidler oldur ki Mezkûr Elvan, Burak b. Hamza’yı ihzâr edip bundan akdem sana Gekvize müddüyle yüz on akçeye bir müd buğday bey‘ ettim ba‘dehû akçem vermedin kaldı taleb ederim dedikde mezkûr Burak cevâb verip sâbıkan Karamanlı kadı huzûrunda seninle murâfa‘a edip gemi ağacında vâki‘ olan hizmetin için yüz on akçe deynimi tutuşup haklaştığımız şer‘ ile zâhir olup berâatime hükm olundu dedikde gıbbe’l-inkâr ve’l-istişhâd ve’l-acz an ikāmeti’l-beyyine mezkûr Elvan’a bu husûs için yemîn müteveccih oldukda mezkûr Burak yemîninden ferâgat ettiği sebebden zikr olan yüz akçe el-ân üzerinde deyn-i lâzımü’l-edâ idiği ma‘lûm olup hükm olundu. Hurrire fî evâsıtı Şa‘bân sene 925. Şehide bi mâ fîhi: Musa b. İsmail, Musa b. Kılavuz, Süleyman b. Ali, Musa Haddâd b. Sadık ve gayruhum