.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 168
Hüküm no: 297
Orijinal metin no: [33a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Zina kastıyla Köle İsmail’in eşi Selime’nin evine giren Mehmedî’ye kimsenin kefil olmaması

Kazıyye-i (...) b. Halil oldur ki Bundan akdem karye-i Kısıklı’da İsmail nâm kölenin avreti Selime mezkûru Mehmedî’yi sâbıkā kadı olan Sefer Çelebi huzûruna iletip zîna kasdına evime girdin deyu teşekkî edip teftîş olunmasını taleb edip nefsine kefîl (...) sicillât ettirdikden sonra def‘-i meclis olunup kalmış imiş hâliyâ Taşköprü nâhiyesin ber vech-i mukāta‘a mutasarrıf olan Musa b. Yağcı(?) Mehmedî’yi meclis-i şer‘a getirip töhmet-i sâbıkāsı teftîş olunmasın taleb ettikde (...) husûsda emânetine kefiller taleb olundukda kimesne kefîl olmadıkları sebebden mezkûr Musa talebiyle sebt-i sicil olundu. Fî evâhiri Şa‘bân sene 925.


Şuhûdü’l-hâl: Musa b. İsmail, Musa b. Kılavuz, Süleyman b. Ali, Haddâd Musa b. Sadık ve gayruhum