|
Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 169 Hüküm no: 299 Orijinal metin no: [33a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Selime’nin mehrinin ölen eşi Kara Süleyman’ın muhallefatından ödenmesi
Vech-i tezkire oldur ki Bundan akdem müteveffâ olan Kara Süleyman’ın eytâmına işbu Haddâd Aydın vasî olduğu esnâda zevcesi Selime’ye mehr-i mü’eccelden yüz akçe deynini kadı nâibi olan kimesne müteveffânın muhallefâtından mezbûreye ihrâc edip ver deyu vasî-i merkūme hükm edip ba‘dehû verilmeyip kaldığı zikr olan vasî yüzüne ba‘de’l-inkâr mezkûrenin zevci ve vekîli Kurt Terzi talebiyle Yusuf Fakih b. Nasuh ve Bayezid birâder-i O şehâdetleri ile zâhir olup meblağ-ı merkūm dahi mezkûrdan mesfûreye hükm olundu. Fî evâhiri Şa‘bân sene 925.
Şuhûdü’l-hâl: Şahkulu b. Abdi, Yusuf b. Ali, Hasan b. Timurtaş, Şaban b. Musa ve gayruhum
|