Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 174 Hüküm no: 312 Orijinal metin no: [34b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sahipsiz atın satılması Kaziyye-i Bundan akdem nefs-i Üsküdar’dan ulak elinden kalıp emânet konulan doru atın ber-mûceb-i kânûn-ı Osmânî iddet-i örfiyyesi tamâm olduğu sebebden Kangırı sancağında Çerkeş kazâsında Bohda(?) nâm karyede mütemekkin olan ebnâ-i sipâhiyândan Davud Bey b. Abdullah nâm kimesne defâ‘atiyle bey‘-i men yezîd oldukdan sonra üç yüz on akçeye bey‘ olup meblağ-ı mezkûru nafaka ve hizmet içün takdîr olunan kırk günde altmış akçe ihrâc olup ve altı akçe dahî dellâliyesine verilip ve iki def‘a sicillâtına on dört akçe verilip bâki iki yüz otuz akçe kaldıkda işbu Âmil Osman’a teslîm olup sebt-i defter olundu. Fî evâil-i Ramazan sene 925 Şuhûdü’l-hâl: Hürrem Bey b. Abdullah, Mevlânâ Kabil b. Abdullah, Timurhan b. İsmail ve gayruhum