Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 179 Hüküm no: 326 Orijinal metin no: [36b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Koç Dimitri Saru’nun Kılavuz b. Aslıhan’a olan borcu için kızı Todora bt. Dimitri’nin kefil olduğu ve babasının evini rehin verdiği (…) oldur ki Kılavuz b. Aslıhan şer‘-i şerîf-i Muhammedî ve divân-ı latîf-i kazâ-yı Ahmedî meclisine karye-i Kuzguncuk’dan Koç Dimitri Saru[’yu] ihzâr edip şöyle takrîr-i merâm kılıp dedi ki sende karz-ı hasenden bin akçem vardır at bahâsından iki yüz cem‘an bin iki yüz akçem vardır el-ân zimmetindedir deyicek mezkûr Dimitri Saru dahi mezkûr Kılavuz’un ikrârını tasdîk eylediğinden sonra zikr olan bin iki yüz akçeye kızı Todora bt. Dimitri kefîl bi’l-mâl olup babası ona muttasıl evini rehin koyup altı ay (…?) olup deftere sebt olundu. Tahrîren fî gurre-i Şevvâl min şuhûri sene hamse ve ışrîn ve tis‘a-mi’e. Şuhûdü’l-hâl: Timurhan b. İsmail, Menteş b. Yakub Yahudi, Todora b. İstefan ve gayruhum Derkenar: Ba‘dehû zikr olan bin iki yüz akçeden mezkûr Dimitri Saru’ya mezbûr Yani b. Kosta’nın altı yüz akçe düyûnu olup deftere sebt olundu. Fî 5 Şevvâli’l-mükerrem sene 925. Yevmü’l-ehad