Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 187 Hüküm no: 348 Orijinal metin no: [39a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Timur b. Bulgur’un, Davud Bey’in kefil olduğu borcu için Yeniçeri Mustafa b. Abdullah’a ödeme yapması Kazıyye oldur ki Yeniçeri Mustafa b. Abdullah şer‘-i şerîf-i Muhammedî ve divân-ı latîf-i kazâ-yı Ahmedî meclisine Timurbey b. Bulgur[’ı] ihzâr edip şöyle takrîr-i kelâm kılıp dedi ki mahrûse-i karye-i Üsküdar’da Davud Bey’e karz-ı hasen yüz akçe verdim idi sen yüz akçeye kefîl bi’l-mâl oldun deyicek mezkûr Timur Bey dahi zikr olan akçeye kefîl bi’l-mâl oldum deyu ikrâr eylediğinden sonra zikr olan yüz akçe Timur’dan hükm olunup deftere sebt olundu. Tahrîren fî evâsıtı Zilka‘de min şuhûri sene 925. Şuhûdü’l-hâl: Mustafa b. Timur, Murad Çelebi, Kılavuz b. Abdullah, Timurhan b. Muhzır