Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 193 Hüküm no: 370 Orijinal metin no: [41a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstavros kethüdasının gayrimüslimlerden ev başına şıra satmalarını istemesi Kazıyye-i vech-i tezkiretü’l-hurûf oldur ki Karye-i İstavros kethüdâsı şer‘-i şerîf-i Muhammedî ve divân-ı latîf-i kazâ-yı Ahmedî meclisine hâzır olup şöyle ikrâr-ı sahîh ve i‘tirâf-ı sarîh kılıp dedi ki ve İstavros zimmîleri be-nevbet her ev başına birer fıçı şıra bey‘ eylesinler deyicek mezkûr zimmîler min ba‘d hâzırân olup mezkûr kethüdâ ikrârını ve kavlini mezbûr zimmîler tasdîk edip mürâca‘at edeler tasdîkan sahîhan kıldıkda mezkûr zimmîlerin ikrârlarını ve kavilleri mukarrer olup deftere kayd olundu. Tahrîren fî evâhiri Zilka‘de min şuhûri sene hamse ve ışrîn ve tis‘a-mi’e. Şuhûdü’l-hâl: Muhzır Timurhan b. İsmail ve gayruhumâ