Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 198 Hüküm no: 383 Orijinal metin no: [42b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Receb b. Deniz’i dövmekle suçlanan Yani b. Yorgi ile Mihal b. Sergi’nin beraat etmesi Kazıyye oldur ki Karye-i Bulgurlu’da Receb b. Deniz şer‘-i şerîf-i Muhammedî ve divân-ı latîf-i kazâ-yı Ahmedî meclisine İstavros’da Yani b. Yorgi ve Mihal b. Sergi[’yi] ihzâr edip şöyle takrîr-i kelâm kılıp dedi ki siz beni döğüp nacak ile çaldı[nız] deyicek mezkûr Yani b. Yorgi ve Mihal b. Sergi mukābele bi’l-inkâr edip biz seni döğmedik nacak ile çalmadık deyicek mezkûr Receb’den beyyine taleb olundu beyyineden âciz olıcak mezbûr zimmîlerden kefîl taleb olundu ba‘de’t-taleb udûl-i müslimînden ve sikātü’l-muvahhidînden Muhammed b. Abdullah [ve] Kasım b. Abdullah mezkûr Yani b. Yorgi’ye [ve] Mihal b. Sergi’ye kefîl olup talâk-ı selâse yemîn billâh eylediklerinden sonra mezkûr zimmîlerin İncil’e yemîn billâh edip bu husûsda berâatına hükm olunup deftere sebt olundu. Tahrîren fî evâhiri Zilhicce min şuhûri sene 925. Şuhûdü’l-hâl: Mustafa b. Abdullah, Süleyman b. Muhammed, Muhammed b. Mehmed