Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 200 Hüküm no: 388 Orijinal metin no: [43a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çoban Yorgi Levend ile Nikola b. Yorgi arasındaki koyun alım-satım anlaşmasının feshedildiği Kazıyye Vech-i tezkiretü’l-hurûf oldur ki Nikola b. Yorgi şer‘-i şerîf-i Muhammedî ve divân-ı latîf-i kazâ-yı Ahmedî meclisine Çoban Yorgi Levend[’i] ihzâr edip şöyle takrîr-i merâm kılıp dedi ki sen bana sağ sâlim otuz dokuz ganem bey‘ eyledin şimdi kelebek olup öldü deyicek mezkûr Nikola ikrâr ile cevâb verip dedi ki zikr olan otuz dokuz koyunu sağ sâlim sattım kelebek ayıp değildir deyicek udûl-i müslimînden ehl-i kıble hâzır olup kelebek-i ganem ayıptır deyu şehâdât eyledikde zikr olan ganemin bey‘i fesh olup mezkûr Yorgi çobana koyunu teslîm olup mezkûr Nikola b. Yorgi bu husûsdan berâatına hükm olunup deftere sebt olundu. Tahrîren fî evâhiri Zilhicce min şuhûri sene 925. Şuhûdü’l-hâl: Saltık b. Hamza, Hacı Mustafa b. ( ), Ali b. Ahmed, Kılavuz Memi, Mahmud Kasab