Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 201 Hüküm no: 390 Orijinal metin no: [43b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Salman’ın Abdurrahman’a manda bedelinden borçlu olduğu Kazıyye Vech-i tezkiretü’l-hurûf oldur ki Karye-i Viranköy’den Abdurrahman şer‘-i şerîf meclisine Samandıralı Mustafa b. Salman[’ı] ihzâr edip şöyle takrîr-i da‘vâ kılıp dedi ki sâbıkan sana bir camus öküzünü beş yüz elli akçeye bey‘ eyledim üç yüz elli akçesi bana teslîm olundu bâkī iki yüz akçe mezkûr Mustafa’nın zimmetindedir deyicek mezkûr Mustafa mezbûrun ikrârını tasdîk edip tasdîkan sahîhan zikr olan meblağ mezkûr Abdurrahman’a hükm olunup deftere sebt olundu. Tahrîren fî evâsıtı Saferi’l-muzaffer min şuhûri sene 926. Şuhûdü’l-hâl: Ayvaz b. Ömer, Terz [i] Yusuf b. İsa, Hüseyin b. İsa, Ali b. Yunus, Muhzır Mustafa ve gayruhum