Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 221 Hüküm no: 436 Orijinal metin no: [49b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhsin b. Halil’in, Hacı Bayram’ın bahçesine yaptığı ev damının yıkılması Kazıyye Vech-i tezkiretü’l-hurûf oldur ki Hacı Bayram Hızır meclis-i şer‘a Muhsin b. Halil[’i] ihzâr edip takrîr-i da‘vâ kılıp dedi ki Depecik nâm karyede bir kıt‘a mülk bahçem bi şöhretihâ beyne’l-cîrân tahdîdden müstağnîdir zikr olan mülk bahçem içine işbu mûmâ-ileyh Muhsin bir ev damı bünyâd etti ref‘ini taleb ederim deyicek mezkûr Muhsin cevâb bi’l-inkâr edip bel benim mülkümdür dedikde min ba‘d Hacı Bayram’dan sıdk-ı makāli üzere beyyine taleb olundukda gıbbe’l-acz ve’l-istihlâf mûmâ-ileyh Muhsin yemînden nükûl edip zikr olan bahçe min ba‘d Hacı Bayram[’a] hükm olunup mezkûr Muhsin üzerinde binâ ettiği damın ref‘ine hükm olunup sebt-i sicil olundu. Fî evâsıtı Şevvâl sene 925. Şuhûdü’l-hâl: Gaybî b. Davud ve Ömer b. Ahmed ve Mustafa b. Şehabeddin ve gayruhum