Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 241 Hüküm no: 467 Orijinal metin no: [55a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Elhac İbrahim’e annesi ve kardeşlerinden intikal eden paranın babasının muhallefatından ödenmesi Kazıyye Vech-i tezkiretü’l-hurûf oldur ki Nefs-i Gekvize’den Ahmed b. Elhâc İbrahim şer‘-i şerîf meclisine hâzır olup şöyle takrîr-i da‘vâ kılıp dedi ki sâbıkan merhûm anam Sitti Hâtun’dan ve karındaşlarımdan cihet-i irsle intikāl [eden] meblağdan beş bin akçe merhûm babam Elhâc İbrahim fevt olup üzerinde kaldı deyicek mezkûrun cevâbına muvâfık beyyine taleb olundu ba‘de’t-taleb udûl-i müslimînden ve sikātü’l-muvahhidînden Hasan b. Köse ve Ahmed b. Yakub edâ-yı şehâdât edip dediler ki mezbûr Ahmed’in anasından ve karındaşlarından cihet-i irsle intikāl olan beş bin akçe Elhâc İbrahim fevt olup zimmetinde kaldı deyu şehâdât eylediklerinden sonra li kevnihim ehleni’ş-şehâde hayyiz-i kabûlde vâki‘ olup zikr olan meblağı mezkûr müteveffâ Elhâc İbrahim’in muhallefâtından hükm olunup deftere sebt olundu. Tahrîren fî evâhiri Muharrem min şuhûri sene 926. Şuhûdü’l-hâl: Pîri Çelebi b. Yakub ve İbrahim Hatîb ve Mehmed b. İbrahim, Seferşah b. Süleyman, Halil b. Abdullah ve gayruhum