Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 243 Hüküm no: 470 Orijinal metin no: [55b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban b. Ramazan’ın, Kalemiç köyünün mukataa bedelini Sipahi İbrahim Çelebi ve Cafer Bey’e teslim etmesi Kazıyye Vech-i tezkiretü’l-hurûf oldur ki Dergâh-ı mu‘allâ’dan hükm-i şerîf [Kartal] ’da nâzil olup mazmûn-ı münîfinde livâ-yı Kocaili sancağında vâki‘ olan hâsları sâbıkan ber-vech-i maktû‘ mukāta‘a[ya] tutanların bâkīsini teftîş için silahdârân zümresinden gulâm-ı şâhî Cafer Bey ile hâss-ı hümâyûnum için zabt edesiz deyu emr olunmuş imtisâlen li’l-emri’l-âlî defter-i pâdişâhîyle Herekedone’de Kalemiç nâm karyenin mahsûlâtın mukāta‘aya tutan Şaban b. Ramazan’dan dört bin dokuz yüz elli akçe taleb olundukda mezbûr Şaban meblağ-ı mezkûrdan iki bin üç yüz akçe sâbıkan sipâhi oğlanları zümresine hükm-i şerîf îrâd eden İbrahim Çelebi’ye teslîmine temessük bulunup hâliyâ bâkī zimmetinde iki bin altı yüz elli bir akçe bulunup hızâne-i âmire[ye] teslîm için Cafer Bey’e teslîm oldukdan sonra ber sebîl-i temessük mezkûrun talebiyle [kayd] ve yedine def‘ olunup deftere sebt olundu. Tahrîren fî evâhiri Saferi’l-muzaffer min şuhûri sene 926. Şuhûdü’l-hâl: Mehmed b. (…), Ali b. İsa, Halil b. Hasan, Osman b. Zekeriya, Nazar b. Yahşi, Mehmed b. İsa, Hızır b. Ramazan