Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 244 Hüküm no: 472 Orijinal metin no: [56a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman Ağa Vakfı’nın Dimitri b. Marko’ya ödünç verdiği Kazıyye Vech-i tezkiretü’l-hurûf oldur ki Süleyman Ağa evkāfına mütevellî olan Alaaddin b. Abdullah şer‘-i şerîf meclisine merhûm vakıf akçesinden karye-i Çengel’de Dimitri b. Marko’ya karz-ı hasenden bin akçe kaftan bahâsından yüz kırk sekiz akçe on dört ay va‘deyle verdim deyicek mezkûr Dimitri mezbûrun ikrârını tasdîk edip tasdîkan sahîhan deftere sebt olundu. Tahrîren fî gurre-i şehri Muharrem min şuhûri sene 926. Derkenar: Ba‘dehû zikr olan bin yüz kırk sekiz akçeye Kosta b. Marko kefîl bi’l-mâl oldukdan sonra mezbûr Dimitri’nin evi mezkûr Alaaddin mütevellîye rehin konup deftere sebt olundu. Şuhûdü’l-hâl: Yahşi b. Abdullah, Mehmed b. Yahya, Süleyman b. Mehmed, Yusuf b. Abdullah, Ömer b. Karaman, Timurhan [b.] Muhzır.