Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 254 Hüküm no: 496 Orijinal metin no: [60a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa İlyas’a hakaret eden İvaz’ın tazir olunması Kazıyye Vech-i tezkiretü’l-hurûf oldur ki Davudpaşa mahallesinde Mustafa İlyas şer‘-i şerîf meclisine İvaz[’ı] ihzâr edip sen işâ vaktinde havlım kapısına gelip bana şetm ettin deyicek mezkûr İvaz mukābele bi’l-inkâr edicek mezkûr Mustafa’nın sıdk-ı makāline beyyine taleb olundu ba‘de’t-taleb udûl-i müslimînden Öksüz b. Abdullah [ve] Hamza b. Abdullah edâ-yı şehâdât edip dediler ki mezkûr İvaz mezbûr Mustafa’nın işâ vaktinde havlısı kapusunda gelip şetm eyledi deyu şehâdet eylediklerinden sonra ba‘de’t-tezkiye ve’t-ta‘dîl mezkûr İvaz ta‘zîr olunup deftere sebt olundu. Tahrîren fî evâsıtı Saferi’l-muzaffer min şuhûri sene 926. Şuhûdü’l-hâl: Memi b. Selman, Kılavuz b. Aslıhan, Mustafa v. Abdullah, Hasan v. Musa, Âmil Osman