Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 255 Hüküm no: 498 Orijinal metin no: [60b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aydınlı köyüne yeni sipahi tayin edilmesi Kazıyye Vech-i tezkiretü’l-hurûf oldur ki Karye-i Aydınlı’da Ahmed b. İshak şer‘-i şerîf meclisine şöyle ikrâr-ı sahîh ve i‘tirâf-ı sarîh-i mer‘î kılıp dedi ki sipâhimiz kimesne Fırat suyunda fevt oldukdan sonra bir sipâhi gelip timâr[ı] bana mahlûlden verildi dedikde mezbûr Ahmed terâfü‘ olup kadı nâibi Mevlânâ Abdi Halife mezkûr sipâhinin [berâtın] okuyup İlyas elinden mahlûl bulunup karye dahi eyderus (?) bulunup hilâf-ı şer‘ hükm edip bizden zulmle alıp mezkûr sipâhiye meblağ-ı mezkûrdan dört yüz elli akçe teslîm olundu deyu ikrâr ettikden sonra mezkûrun ikrârına muvâfık (…) olundu udûl-i müslimînden Hızır b. İshak [ve] İvaz b. Dulenci [ve] Yusuf b. Mustafa edâ-yı şehâdât eylediler ki zikr olan berât okunduğu vakt İlyas elinden mahlûl bulunup ehl-i karye eyderus(?) bulunup hükm olundu deyu şehâdât eylediklerinden sonra deftere sebt olundu. Tahrîren fî evâhiri Saferi’l-muzaffer min şuhûri sene 926. Şuhûdü’l-hâl: Kılavuz b. Aslıhan, Kasım b. Musa, Ayvaz b. Timurtaş, Receb b. Karagöz, Kara Ali b. Salih