Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 258 Hüküm no: 504 Orijinal metin no: [61b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Veli’nin Ünekci köyündeki alacağının ödendiği Kazıyye Vech-i tezkiretü’l-hurûf oldur ki Müteveffâ Veli’nin (…) hükm-i şerîf-i karâr-tüvân îrâd edip müteveffâ karındaşım tahvîline (…) mahsûlâtını taleb ettikde karye-i Ünekci’ye(?) gelip teftîş ve tefahhus olunup Ünekci’den(?) Murad b. Turhan [ve] Turhan b. İlyas [ve] Mustafa b. Şîrmerd cevâb verip dediler ki müteveffâ Veli’nin tahvîline vâki‘ olan (…) gelip ana teslîm eyledin hâliyâ bir dahi hükm-i hümâyûnla mevkūfcu gelip bizi (…) kadısı nâibi ma‘rifetiyle üç yüz elli beş akçe hızâne-i âmirem için mevkûf bu meblağ-ı mezkûru edâ eyledik deyicek mezkûrların kelâmına muvâfık beyyine taleb olundu ba‘de’t-taleb udûl-i müslimînden Sevindik b. Abdullah [ve] Nefsî b. Mümin şehâdâtlarıyla mezkûrlara hükm olup deftere sebt olundu. Tahrîren fî evâhiri Saferi’l-muzaffer min şuhûri sene. Şuhûdü’l-hâl: Timurhan b. İsmail, Mehmed b. Receb, Hüseyin b. İnebey, Hamza b. Abdullah, Hüseyin b. Abdullah ve gayruhum