Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 259 Hüküm no: 507 Orijinal metin no: [62a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Tımar yoklaması Sûret-i buyruldu-yı beylerbeyi Sebeb-i tahrîr-i kitâb-ı kalem ve mûceb-i tastîr-i hitâb-ı rakam budur ki Kocaili Sancağı’nda Gekvize nâhiyesini timâr-ı Cafer ve şerîk-i O mezkûr yoklamasında bulunmayıp timârı mahlûl olmağın dârende-i hurûf Mustafa oğlu (…) sipâhizâdedir deyu sancağı beyi bildirip Tebriz ve Kemah seferin edip (…) mütemekkin olmağın sultânü’l-guzât ve’l-mücâhidîn hullidet hilâfetühû hazretlerinin hükmiyle verildi ki zikr olunur. Hisse-i karye-i Aydınlı tâbi‘-i m [ezbûr] 1755 Hisse-i karye-i Dağlar (?) tâbi‘-i Yalakova 1000 Hisse-i karye-i Samandıra tâbi‘-i m [ezbûr] Mezra‘a-i kurâ-yı Samandıra tâbi‘-i m[ezbûr] Hâsıl 1499 Hisse-i karye-i tâbi‘-i Yoros 823 (…)(…) (…) (…)(…) (…) Yekûn 5799 (…) 1300 Cem‘an 2123 Ba‘de’l-yevm taht-ı yedinde olup tasarruf kılıp şol ki vezâif-i hidemât-ı mebrûre ve mevfûre ve meşkûre asâkir-i mansûredir ber-mûceb-i defter-i hâkānî ve kānûn-ı Osmânî mü’eddâ kıldıkdan sonra hiç ahad kâ’inen men-kân mâni‘ ve dâfi‘ olup medhal kılmaya ve ta‘arruz da görmeyeler(?) biti mutâla‘a kılanlar mazmûnun muhakkak bilip i‘timâd kılalar. Tahrîren fî râbi‘ ışrîn [min] Recebi’l-mürecceb sene ihdâ ve ışrîn ve tis‘a-mi’e Be-makām-ı Kütahya Fî 24 Recebi’l-mürecceb sene 921.