Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 267 Hüküm no: 519 Orijinal metin no: [64b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dranoz b. Manol’un ve Yani’nin boş yerini İsa’nın aldığı Vech-i tezkiretü’l-hurûf oldur ki Karye-i Herekedone ve Kalemiç nâm karye (…) İsa şer‘-i şerîf-i Muhammedî meclisine hâzır olup şöyle takrîr-i merâm kılıp ikrâr-ı sahîh ve i‘tirâf-ı sarîh-i mer‘î kılıp dedi ki Dranoz b. Manol ve Yani zimmîlerin hisseleri mahlûl bulunup hadd-i kıblîsi tarîk-i âmamüntehîdir ve hadd-i şarkîsi tarîk-i âma ve [hadd-i garbîsi] Totariç oğlu yerine mülâsıkdır ve hadd-i şimâlîsi tarîk-i âma muttasıldır bu hudûd-ı erba‘a ile olan bir kıt‘a yeri dört yüz yetmiş beş râyicü’l-vakt cedîd akçeye resm-i tapu alıp (…) verdim deyu ikrâr eyledikden sonra mezkûr Davud b. Abdullah mezkûr Âmil Mehmed’in ikrârını tasdîk edip tasdîkan sahîhan şer‘iyyen zikr olan bir kıt‘a yer ki mezkûr Davud’un tapulu yeri olmak üzere deftere sebt olundu. Tahrîren fî gurre-i Rebî‘ilevvel min şuhûri sene 926. Şuhûdü’l-hâl: Hızır b. Abdullah, Hasan b. Hızır, Hüseyin b. Kılavuz, Ahmed b. Halil, Deniz b. Musa, Kılavuz b. Aslıhan