Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 269 Hüküm no: 523 Orijinal metin no: [65a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çoban Hüseyin b. Hasan’ın, Emir b. Çepni’ye borçlu olduğu Vech-i tezkire oldur ki Emir b. Çepni şer‘-i şerîf-i Muhammedî ve dîvân-ı latîf-i kazâ-i Ahmedî meclisine Çoban Hüseyin b. Hasan’ı ihzâr edip şöyle takrîr-i kelâm kılıp dedi ki sende benim karz-ı hasenden bin altı yüz (...) bir kitâb bey‘ eyledim andan dahi iki yüz akçem vardır deyicek mezkûr Hüseyin dahi iki yüz akçem vardır deyicek mezkûr Hüseyin dahi cevâb verip dedi ki sana karz-ı hasenden bin altı yüz kitâb bahâsından iki yüz akçe mezkûr Emir b. Çepni’ye düyûnum vardır deyicek mezkûr Emir b. Çepni sekiz ay mühlet verdikden sonra Çoban Hüseyin b. Hasan’ın ikrâ[rı]nı deftere sebt olundu. Tahrîren fi evâhiri Şevvâl min şuhûri sene 925. Şuhûdü’l-hâl: Hasan b. Abdullah, Sinan Halife b. Turut, Turhan b. Musa, Ali b. Hamza, Koç Ebri b. Yahya