Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 271 Hüküm no: 528 Orijinal metin no: [65b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çalabverdi b. Halil’in vefat eden Hamza’dan alacaklı olduğu Kazıyye oldur ki Çalabverdi b. Halil şer‘-i şerîf-i Muhammedî ve divân-ı latîf-i kazâ-yı Ahmedî meclisine (...) ihzâr edip takrîr-i kelâm kılıp dedi ki müteveffâ Hamza’da karz-ı hasenden ve araba bahâsından yüz yirmi beş akçem vardır deyicek mezkûr Çalabverdi’den beyyine taleb olundu ba‘de’t-taleb udûl-i müslimînden Minnet b. Gaybî, Yusuf b. Turut edâ-i şehâdât edip dediler ki müteveffâ Hamza fevt oldu, yüz yirmi beş akçe mezkûr Çalabverdi düyûnu vardır deyu şehâdet eylediklerinden sonra mezkûr Çalabverdi’ye hükm olunup deftere sebt olundu. Tahrîren fî evâhiri Şevvâl min şuhûri sene 925. Şuhûdü’l-hâl: Hasan b. Abdullah, Ebri b. Yahya, Ali b. Yusuf, Turhan b. Musa, Mehmed b. Abdullah