Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 295 Hüküm no: 562 Orijinal metin no: [72a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Minnet bt. İbrahim’in evini sattığı ve eşyalarını bağışladığı Vech-i tahrîr-i hurûf oldur ki Minnet bt. İbrahim meclis-i şer‘a hâzır olup ( …) (…) ve nefâzi tasarrufâtihâ şer‘an şöyle ikrâr ve i‘tirâf eyledi ki işbu Minnet (…) yi bir saru ineği buzağısıyla ve iki döşek ve üç halı ve kazgan ve iki tepsi ve iki bakraç ve bir kazan ve iki yastık ve sâir hırdavâtdan ki (…) esbâbıdır hibe ettim ol dahi kabûl [u] kabz eyledi ve mevhûbun-leh-i mezkûr dahi (…) İvaz bir kaftan verdi ben dahi kabûl [u] kabz eyledim dedikde mezkûr Minnet dahi bi’l-muvâcehe mukırra-i mezbûreyi ikrârında tasdîk eyledi ve hem sâkin olduğum evi mezkûr Minnet altı yüz elli akçeye bey‘ ettim semenin bî-kusûr aldım kabz ettim dedikde mezkûr Minnet dahi tasdîk eyledikden sonra sicile kayd olundu. Cerâ zâlike ve hurrire fî evâhiri evveli’l-Cumâdeyn sene 926. Şuhûdü’l-hâl: (…) (…), Kabil b. Abdullah, Hasan b. İbrahim, Süleyman b. Abdullah, Sefer Çelebi b. Mustafa ve Demirhan Ağa b. İsmail ve Murad b. Durak ve gayruhum mine’l-müslimîn.