Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 300 Hüküm no: 574 Orijinal metin no: [74a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir Çepni b. Mustafa’nın, Hüseyin b. Abdullah’a ödünç verdiği Kazıyye Sebeb-i tahrîr-i kalem budur ki Üsküdar’[da] mütemekkin olan Hüseyin b. Abdullah meclis-i şer‘a hâzır olup şöyle ikrâr-ı sahîh kılıp dedi ki işbu müşârun-ileyh Emir Çepni b. Mustafa’ya koyun bahâsından dört bin ve çuha bahâsından iki yüz cem‘an dört bin iki yüz akçe ibtidâ‘-i târih-i kitâbdan beş ayda edâ etmek üzere deynim vardır dedikde karye-i Samandıra’da binâ olunan câmi‘in vakfiyyet üzere verilen meblağından mütevellîsi nâib-i mezkûr Emir b. Çepni elinden altı yüz akçe alıp ibtidâ‘-i târih-i kitâbdan beş ayda edâ etmeğe deynim vardır deyu ikrârını mezbûr Emir b. Çepni kabûl ettikde ve meblağ-ı mezbûrun zararına Teslime bt. Abdullah kefîl olduğu mukarrer olup sebt olundu. Hurrire zâlike fî evâili Cemâziyelâhir sene 926. Şuhûdü’l-hâl: Nazar v. Yahşi ve Sinan Fakih ve Ali Ekici ve gayruhum mine’l-müslimîn