Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 306 Hüküm no: 590 Orijinal metin no: [76a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Anton b. Petros’un Timurhan b. İsmail’den alacağını tahsil ettiği Vech-i tezkire oldur ki Anton b. Petroz meclis-i şer‘a Timurhan b. İsmail ile hâzırân olup mezkûr Anton b. Petroz ikrâr ve i‘tirâf eyledi ki mezkûr Timurhan zimmetinde bin iki yüz akçe alımım vardı el-ân aldım kabz eyledim dedikde mezkûr Timurhan dahi bi’l-muvâcehe mukırr-ı mezkûr[u] tasdîk edip sicile kayd olundu. Vakt-i hâcetde görüle. Cerâ zâlike ve hurrire fî evâili Recebi’l-mürecceb sene sitte ve ışrîn ve tis‘a-mi’e. Şuhûdü’l-hâl: Ahmed b. Hacı Ömer el-Emîn ve Mehmed b. İsa ve Mehmed b. Süleyman ve Çepni Kurudan Mustafa Bey ve Mustafa b. Abdi ve Mehmed b. Ali