Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 309 Hüküm no: 596 Orijinal metin no: [77a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Yorgi ve kardeşi Dimitri’nin, annelerinden kalan harman yeri hisselerini Yorgi b. Cemalad ve kardeşi Dranoz’a sattığı Vech tezkire oldur ki Karye-i Herekedone’de Nikola b. Yorgi karındaşı Dimitri meclis-i şer‘a hâzırân olup şöyle ikrâr ve i‘tirâf eylediler ki anamızdan kalan harman yerinden hisse-i şâyi‘amız ki hudûd[u] ehl-i cîrân katında ma‘lûmdur işbu Yorgi b. Cemalad ve karındaşı Dranoz üç yüz akçelerin alıp verdik karye-i mezbûrenin âmilleri olan Mehmed b. İsa ve Mehmed b. Süleyman ma‘rifetleriyle dediklerinde mezkûrân Yorgi ve karındaşı Dranoz âmilân-ı mezkûrân ile bi’l-muvâcehe mukırrân-ı mezkûrân[ı] tasdîk ettiler (…) mezkûrânın talebleriyle sicile kayd olundu. Vakt-i hâcetde görüle. Sene 926 fî evâsıtı Recebi’l-mürecceb sene 926. Şuhûdü’l-hâl: Yorgi b. Dranoz ve Ali b. Şahin ve Kılavuz b. Aslıhan ve Burak Reis b. Şeyh Mehmed ve Gora Kethüdâ