Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 310 Hüküm no: 600 Orijinal metin no: [77b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Dranoz’un, İbrahim Ağa Vakfı’ndan ödünç aldığı Sebeb-i tahrîr-i kalem budur [ki] Nefs-i Herekedone’de mütemekkin olan Yorgi b. Dranoz meclis-i şer‘de şöyle ikrâr kılıp dedi ki merhûm İbrahim Ağa zâviyesinde kırâ’at-i eczâ için vakf olan meblağdan karz-ı hasen bin ve kuşak bahâsından yüz cem‘an bin yüz akçe ibtidâ‘-i târih-i kitâbdan on iki ayda edâ etmek üzere deynim vardır deyu ikrâr ettikde ve meblağ-ı mezbûrun zararına Gora [kefil] oldum deyu ikrârlarını mütevellî tarafından nâib-i menâb olan İbrahim b. Gündüz kabûl ettikden sonra sebt-i sicil olundu. Vaka‘a zâlike an gurre-i Şevvâl sene 925. Şuhûdü’l-hâl: Mehmed v. İsa ve Mehmed b. Süleyman ve Kılavuz b. Aslıhan ve gayruhum mine’l-müslimîn