Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 311 Hüküm no: 603 Orijinal metin no: [78a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman Divane’nin, İbrahim Ağa Vakfı’ndan ödünç aldığı Sebeb-i tahrîr-i kalem budur ki Nefs-i Üsküdar’da mütemekkin olan Süleyman Divâne meclis-i şer‘de şöyle ikrâr kılıp dedi ki merhûm İbrahim Ağa vakf ettiği meblağdan karz-ı hasen bin ve kaftan bahâsından yüz ibtidâ-i târih-i kitâbdan on iki ayda edâ etmek üzere deynim vardır deyu ikrâr edip ve mâl-ı mezbûrun zararına Terzi Ali [kefîl ol]dum deyu ikrâr ettikden sonra mütevellî tarafından nâib-i menâb olan İbrahim b. Gündüz dahi kabûl ettikden sonra deftere sebt olundu. Vaka‘a zâlike an gurre-i Şevvâl an sene 925. Şuhûdü’l-hâl: Ebri b. Mehmed ve Musa b. Kasab ve Abdi b. Yahşi ve gayruhum mine’l-müslimîn