Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 313 Hüküm no: 609 Orijinal metin no: [78b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gora’nın Dranoz v. Kethüda’nın, İbrahim Ağa Vakfı’ndan ödünç aldığı Sebeb-i tahrîr-i kalem budur ki Nefs-i Herekedone’de mütemekkin olan Gora meclis-i şer‘de şöyle ikrâr kılıp dedi ki merhûm İbrahim Ağa zâviyesinden Hüseyin Bey vakıf kıldığı meblağdan karye-i Çengel’de mütemekkin olan Dranoz v. Kethüdâ ibtidâ-i târih-i kitâbdan on iki ayda edâ etmek üzere karz-ı hasen iki bin ve kaftan bahâsından iki yüz alıp mâl-ı mezbûra ben kefilim deyu ikrâr ettikde müşârun-ileyh Gora’nın kefâlete ikrârını mütevellî tarafından nâib olan İbrahim b. Gündüz kabûl edip deftere kayd olundu. Cerâ zâlik fî gurre-i Şevvâl sene 925. Şuhûdü’l-hâl: Muharrem v. Yunus ve Ali v. Hacı ve Eşref v. Mehmed