Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 314 Hüküm no: 611 Orijinal metin no: [79a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstirati kızı Drani’ye iftira eden Mihal b. Satura’nın tazir olunması Sebeb-i tahrîr-i kalem budur ki Mihal b. Satura meclis-i şer‘de şöyle ikrâr kılıp dedi ki işbu müşârun-ileyh karye-i Çengel’de mütemekkin olan Istrati kızı Drani sâbıkdan ben anı ol beni sevüp nice def‘a yatıp ve durup anınla mu‘âmele ede geldik deyu ikrâr ettikden meclis-i âharda ben bu sözünü Herekedone’de Yorgi b. Soludi iki yüz akçe vereyim (…) dedikde ben dahi dedim deyu ikrâr ettikden sonra mezbûre Drani dahi bu kazıyyeye ba‘de’l-inkâ [r] yemîn billâh ettirip ve karye-i mezbûrun ehli dahi mezbûreye iftirâdır biz kefîl oluruz buna iftirâdır der dediklerinden mezbûre Drani kendini halâs edip Mihal b. Satura iftirâ edip şer‘an lâzım gelip ikrârıyla ta‘zîr olup deftere sebt olundu. Vaka‘a zâlike fî evâhiri Recebi’l-mürecceb an sene 926. Şuhûdü’l-hâl: Mehmed v. Yahya ve Evrenos b. Yahşi ve Bekir v. Mustafa ve Ali v. Muhyiddin, Kefale v. Papaz ve Trandafilo v. Drakoz ve gayruhum mine’l-müslimîn