Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 318 Hüküm no: 621 Orijinal metin no: [80a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pişkeş’in ödediği paranın, ölen mütevelli Ali’nin eşi Ayşe’ye ait olduğu Sebeb-i tahrîr-i kalem budur ki Nefs-i Üsküd[ar’da] fevt olan mütevellî Ali nâm kimesnenin Pişkeş zimmîden alınan benimdir deyu zevcesi Ayşe da‘vâ edicek vârise kızı tarafından vasî ve asabe-i sebebiyye Hüdâvendigâr tarafından hükm ile gelen Nebi’nin hasım olup sıdk-ı da‘vâsına muvâfık beyyine taleb olup udûl-i müslimînden Karagöz ve Esved Mustafa hâzırân olup mezbûr meblağ mezkûre zevcesi Ayşe’nindir, mülk-i hâlisdir deyu şehâdetleri ba‘de’t-tezkiye hayyiz-i kabûlde olup hükm olunup deftere kayd olundu. Tahrîren fî evâsıtı Şa‘bâni’l-mübârek sene 926. Şuhûdü’l-hâl: Birice Hamza ve Tanrıvermiş ve Mahmud müezzin-i Selman Ağa ve gayruhum mine’l-müslimîn