Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 323 Hüküm no: 634 Orijinal metin no: [81b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir Çepni’nin alacağının Ali b. Koçi’nin terekesinden ödenmesi Sebeb-i tahrîr-i kalem budur ki Nefs-i Üsküdar’da Ali b. Koçi fevt [olup] üzerinde iki bin yüz elli akçem vardır deyu Emir Çepni meclis-i şer‘de da‘vâ edicek vârise olan Vâlide İnci ve yetîm ve yetîme tarafından ve zevcesi Habîbe tarafından vasî ve vekîl olan Kara Ali yüzüne ba‘de’l-inkâr mezkûrun sıdk-ı da‘vâsına muvâfık beyyine taleb olundukda udûl-i müslimînden Udul b. Yahşi ve Tur Ali b. Osman hâzırân olup mezkûr müteveffâ Ali işbu müşârun-ileyh Emir b. Çepni’ye karz iki bin yüz elli akçe deynim vardır deyu ikrârına ve alıp üzerinde kaldı deyu şâhidiz dediklerinde gıbbe’t-tezkiye şehâdetleri hayyiz-i kabûlde vâki‘ oldukdan sonra mezkûr Emir’e müteveffâ Ali’nin metrûkâtından iki bin yüz elli akçe hükm olup deftere sebt olundu. Tahrîren fî evâhiri Ramazâni’l-mübârek sene 926. Şuhûdü’l-hâl: Mehmed b. İsa ve Timurhan b. İsmail ve Koca Şîrmerd b. Abdullah ve gayruhum mine’l-müslimîn