Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 325 Hüküm no: 641 Orijinal metin no: [82b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meyhaneci Yorgi’nin, İbrahim Ağa Vakfı’ndan aldığı ödünç için evini rehin verdiği Sebeb-i tahrîr-i kalem budur ki Karye-i Herekedone’de mütemekkin olan Meyhâneci Yorgi meclis-i şer‘-i şerîfe hâzır olup şöyle ikrâr kılıp dedi ki merhûm İbrahim Ağa vakıf kıldığı meblağdan bin karz ve Hüsam Bey kırâ’at-i cüz için zâviye-i İbrahim Ağa’da vakıf meblağdan beş yüz karz ve kuşak bahâsından yüz elli akçe ibtidâ-i târih-i kitâbdan on iki ayda edâ etmek üzere mütevellî tarafından nâib olan İbrahim b. Gündüz elinden alıp deynim vardır deyu ikrâr ettikde ve sâkin olduğu evini rehin koyup ikrârını mezkûr mütevellî İbrahim b. Gündüz kabûl edip deftere sebt olundu. Hurrire zâlike fî evâhiri Şevvâli’l-mübârek sene 926. Şuhûdü’l-hâl: Çıplak Mehmed ve Dede Kilitçi ve gayruhum mine’l-müslimîn