Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 328 Hüküm no: 648 Orijinal metin no: [83b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Veys’in Dede b. Hacı Ali’den öküz parasından alacaklı olduğu Sebeb-i tahrîr-i kalem budur ki Ali b. Veys meclis-i şer‘a hâzır gelip bilesince Dede b. Ali Hacı[’yı] ihzâr edip dedi ki benim sende öküz bahâsından yüz yirmi iki akçem vardır deyicek mezkûr Dede inkâr eyledi gıbbe’l-inkâr mezkûr Ali’nin da‘vâsına muvâfık beyyine taleb olundukda udûl-i müslimînden Emir b. Abdullah ve Minnet b. Gayb hâzırân olup dediler ki biz şâhidleriz ve şehâdet dahi ederiz ki mezbûr Ali’nin merkūm Dede[’de] öküz bahâsından yüz yirmi iki akçesi vardır deyu ol bâ‘isden meblağ-ı mezbûr mesfûr Dede’den hükm olunup mestûr Ali talebiyle deftere sebt olundu. Tahrîren fî evâili Zilka‘de min şuhûri sene sitte ve ışrîn ve tis‘a-mi’e. Şuhûdü’l-hâl: Ali b. Süleyman ve Ahmed b. Kasım ve Emir b. Mustafa ve Hızır b. Mustafa ve gayruhum mine’l-müslimîn