Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 335 Hüküm no: 668 Orijinal metin no: [85b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdül b. Mehmed’in ölen kız kardeşi Nefise Hatun’dan intikal eden hisse için kardeşi Ahmed’i vekil tayin ettiği İsbât-ı vekîl Kazıyye Vech-i tahrîr oldur ki Abdül b. Mehmed meclis-i şer‘a hâzır gelip şöyle takrîr-i [kelâm edip dedi ki] benim karındaşım Ahmed bizim müteveffâ hemşiremiz Nefîse Hâtun’dan cihet-i irsle intikāl eden hisseye beni vekîl etti deyicek mezkûr Abdül’ün da‘vâsına muvâfık beyyine taleb olundukda Hacı b. Balaban ve Osman b. Zekeriya hâzırân olup dediler ki biz şâhidiz ve şehâdet dahi eyleriz ki mezkûr Ahmed karındaşı Abdül’ü vekîl eylediğine Yunus b. (...) ve Hasan b. Mehmed şâhidlerdi biz anların ağzından şâhidiz ve şehâdet dahi ederiz ve mezkûre müteveffâ Nefîse Hâtun ile mezbûrân Abdül ve Ahmed ata bir karındaşı idi ki Üsküdar emîni Ahmed huzûrundan Mehmed b. Süleyman ve Ramazan Yunus ve Muharrem b. Yunus şehâdetleri ile sâbit olduğu bâ‘isden merkūm Abdül talebiyle deftere sebt olundu. Tahrîren fî evâhiri Zilka‘de sene 926. Şuhûdü’l-hâl: Kılavuz b. Aslıhan ve Pîri b. Hızır ve Kemal b. Abdullah ve gayruhum mine’l-hâzırîn