Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 345 Hüküm no: 693 Orijinal metin no: [89a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yunus b. Balaban’ın, İbrahim Ağa Vakfı’nın değirmen ücretini ödemesi Kazıyye Vech-i tahrîr oldur ki İbrahim Ağa zâviyesi’nin mütevellîsi tarafından nâib-i menâb İbrahim b. Gündüz meclis-i şer‘a hâzır gelip bilesince Yunus b. Balaban’ı ihzâr edip dedi ki Dellâk Hızır b. Abdullah mütevellî olduğu zamânda vakıf bir damda iki değirmenin İbrahim Ağa’nın üç yıla bin yüz akçeye vermış imiş iki yıl bir ayın kıstın vermişsin bâkī senin zimmetinde yedi yüz akçe vardır taleb ederim deyicek mezkûr Yunus şöyle cevâb verip dedi ki on bir ay değirmenin suyu kat‘ oldu ol yedi akçe anın kıstıdır dedikde mezkûr İbrahim’den on bir ay değirmen yürüdüğüne beyyine taleb olundukda beyyineden âciz olıcak mezkûr Yunus’a değirmen yürümediğine yemîn ettirip ve mezbûr Yunus’un değirmen yürümediği ayların ücreti lâzım olamaz deyu elinde şer‘î fetvâları olduğu ecilden meblağ-ı mezbûrdan merkūm Yunus’un berâat-i zimmetine hükm olunup deftere sebt olundu. Tahrîren fî evâili Rebî‘ilevvel sene 927. Şuhûdü’l-hâl: Ali b. İsa, Nalband Şaban b. Mehmed ve Kılavuz b. Aslıhan ve Hacı Mustafa b. Abdullah ve gayruhum mine’l-hâzırîn