Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 347 Hüküm no: 698 Orijinal metin no: [90a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Musa b. Mustafa’nın Rus asıllı kölesi Hamza’nın satıldığı Kazıyye Vech-i tahrîr oldur ki Karye-i Yenice’de müteveffâ Musa b. Mustafa’nın Hamza nâm Rûsiyyü’l-asl kulunun [iki bin] altı yüz akçesi deyne konulup iki bin iki yüz elli akçe timârına cihet-i irs ile müntakil olup nefs-i Üsküdar pazarında ve karye-i Samandıra pazarında nidâ olunup iki bin altı yüz akçeye çıkıp sâhibü’s-sicil Davud b. Mustafa mezkûr müteveffânın sulb oğlu Mustafa elinden mezkûr Davud b. Mustafa bey‘ olunup ve mezbûr Mustafa karındaşlarına kıbeli’ş-şer‘den vasî olduğu ecilden merkûm Davud talebiyle deftere sebt olundu. Tahrîren fî evâsıtı Rebî‘ilevvel sene 927. Şuhûdü’l-hâl: Nasuh b. Davud ve Selman Fakih b. İsmail ve Yusuf Fakih b. Turut ve Hüseyin b. Murad ve gayruhum